OPINION| Bakit kaunti pa rin ng mga Pilipino ang nag-iinvest sa stock market?
- John Lawrence Beniza
- May 30, 2022
- 4 min read
Tinatayang nasa 1.4 milyong Pilipino o 1.27% palang ng kabuuang populasyon ng Pilipinas ang nag-iinvest sa stock market noong nakaraang taon. Bagaman maliit lamang na porsyento ito masasabi ang pagtaas ng mga namumuhuan sa stock market ay tumaas kumpara sa mga nakaraang dekada na nasa 1% lamang.
Ang pag-iinvest sa stocks ay ang pinakapopular na investment na portfolio assets sa Pilipinas. Ang isang investor ay bibili ng shares of stock sa isang kompanya na nakatala sa Philippine Stock Exchange (PSE) at ibebenta sa hinaharap sa posibilidad na kumita. Ngunit may mga mamumuhuan na imbes na kumita ay nalulugi dahil sa walang kasiguraduhan at mabilis na pagbabago ng presyo ng bawat share sa loob isang ng panahon.
Tinatayang nasa 1.4 milyong Pilipino o 1.27% palang ng kabuuang populasyon ng Pilipinas ang nag-iinvest sa stock market noong nakaraang taon. Bagaman maliit lamang na porsyento ito masasabi ang pagtaas ng mga namumuhuan sa stock market ay tumaas kumpara sa mga nakaraang dekada na nasa 1% lamang.
Maraming nalilito sa pinagkaiba ng stock market at stock exchange. Ang stock exchange ay mahalagang bahagi ng stock market. Ang mga stocks na ibinebenta sa stock market ay nakatala sa stock exchange. Habang ang stock market ay terminong pangkalahatan na tumutukoy sa lahat ng plataporma na kung saan nagsasagawa ng “stock trading” sa isang organisadong pamamaraan.
Ang stock exchange ay isang organisasyong nangangasiwa sa stocking trading. Ang stock exchange ay binuo ng mga kompanya at pinapatakbo upang kumita sa pamamagitan ng pagbibigay ng oportunidad para sa stock trading. Tulad ng PSE na isang pribadong organisasyon noon. Nagtransisyon ito noong 2001 mula sa pagiging “non-stock, member-governed organization” na naging “shareholder based” at “revenue-generating corporation” pagkatapos maisabatas ang Securities regulation Code of 2000 (PSE, 2009). Habang ang stock market ay walang intensyong kumita kundi suportahan lamang ang stock trading.
Maraming nakikitang rason ang mga eksperto dahil sa mababang porsyento ng mga nag-iinvest sa stock market. Ayon kay Rex Mendoza, isang investment expert at Presidente ng Rampver Financials, “Attitude and behavior. Delayed gratification isn’t easy for Filipinos. Most of us live in the now.”
“Lack of financial literacy and inability to figure out their context.” Ang tingin naman Francis J. Kong, isang inspirational guru at award-wining author.
“Investing is not intuitive to us; it is not taught at home.” Sabi ni Marvin Germo, isang stock market advocate.
Kahirapan ang isa sa mga rason kung bakit hindi nag-iinvest ang karamihan ng Pilipino. Madalas kulang pa sa kanilang pang-araw-araw na pangangailangan ang kinikita ng karamihan kaya’t wala nang naitatabi ang mga Pilipino para mag-invest. Kulang o walang sa kaalaman ang mga karamihan sa “financial literacy.” Ito ang rason kung bakit may maling pagkakaunawa ang Pilipino sa stock market. Kahit na 25.2% ng Pilipino ay nasa middle class, wala sa kulturang Pilipino ang pag-iinvest kaya natatakot silang mawala ang pinaghirapan. May edad ang iba saka nalang sila nagsisimulang mag-invest.
Mahalaga na mag-invest sa stock market dahil maaring maproteksyunan nito ang pera ng isang indibidwal laban sa implasyon. Kung ikukumpara sa paglalagak ng pera na hindi naman kailangan sa kasalukuyan sa bangko, lubhang mas mataas ang itutubo nito sa stock market. Dahil sa mas mataas ang “risk” o tsansang hindi na ito bumalik, mas mataas ang “return” o kumita ngunit kung mababa naman ang “risk” tulad sa bangko, mababa din yung return o tubo. Ang investment ay itinuturing na “passive income” na maari mong kitain nang kahit walang ginagawa dahil sa dibidendo na ipinapamahagi ng korporasyon sa mga stockholder nito, di tulad ng sahod na hindi kikita kung hindi kikilos ang isang tao. Ito ay mas “liquid” o madaling mai-convert sa aktwal na pera kung kailangan.
Bumagsak man ang ekonomiya ng Pilipinas noong March 2020 dahil sa lockdown dulot ng pandemya, nakita na tumaas ang bilang ng mga nag-invest ngayon kahit na nasa gitna pa din ng krisis ang bansa. Tumaas nang 70% ang Philippine Stock Exchange Index (PSEi) nang nakaraang taon mula nang nagsimula ang lockdown. Sa pagbagsak ng presyo ng shares dahil sa economic regression, nais ng mga investor na samantalahin ito dahil oportunidad ito para kumita sila sa hinaharap. Malaking porsyento ng mga investor ay kabataan, 22.5% (edad 18-29), 45.6% ay nasa edad 30-44, 19.8% ay nasa edad 45-59 at ang natitirang 12.1% ay mga nasa edad 60 at pataas.
Upang mapalago pa ng Pilipinas ang ekonomiya nito, nararapat lang na hikayatin nito ang mga Pilipino na mag-invest hindi lang sa stock market kundi sa iba’t-ibang “financial instruments.” Nakita naman na malaking porsyento ng investor ay kabataan, kaya’t inirerekomenda na isama ito sa basic curriculum ng high school students na kahit ibang propesyon ang kanilang tahakin, may sapat na kaalaman sila tungkol sa investment para maenggayo sila na mag-invest rin.
Mga Sanggunian:
Comments